Páxinas

mércores, 22 de decembro de 2021

CONCURSO CAMIÑO CIRCULAR

 Como xa sabedes, este ano tamén participamos no concurso de Camiño Circular Eu como con ollo. E ti? Tivemos dúas gañadoras nas modalidades de Debuxo e Poesía. Parabéns para elas e tamén para todo o colexio en xeral. Fixéstelo fenomenal!

Sara Garrido Gorís, de 5º.

Carme Ferro Miranda, de 6º.






     A seguir participando!

FESTA DA POESÍA

O pasado 3 de decembro tivo lugar no Teatro Principal a Festa da Poesía. O noso colexio estivo moi ben representado por Aroa Pereiro e Adrián Silvoso, de 6º curso de EP. Eles recitaron estupendamente o poema ¿Non te Lembras? do escritor estradense Manuel Cabada Vázquez. Velaquí  tendes unhas cantas estrofas que corresponden a el:






Non atopamos mellor maneira de homenaxealo. As voces de Aroa e Adrián reflectiron todo o sentimento do seu poema. Por iso el tamén  permanecerá sempre na nosa lembranza.

luns, 13 de decembro de 2021

PRESENTACIÓN DO LIBRO DE CHARO GOLMAR

Dende o noso colexio convidámosvos a asistir a este acto tan importante para a nosa cultura e literatura. Vémonos alí!

luns, 8 de novembro de 2021

CONCURSO CAMIÑO CIRCULAR

Ola! Xa estamos metidos noutro concurso! Neste caso trátase de Camiño Circular, a cooperativa de A Estrada que, coma o ano pasado, nos convida a participar mediante varias modalidades: cancións, poemas, debuxos e narrativa. Aquí tendes a convocatoria:


 Podedes descargar o modelo no que realizaredes as vosas obras de arte:




domingo, 7 de novembro de 2021

DIVERTÍNDONOS CON MÚSICA MIÚDA!

 Que ben o pasamos o  mércores bailando ao son de Música Miúda. Dende o Teatro Principal asistimos á actuación deste grupo musical co que celebramos festa do Correlingua.  Esta é so unha pequena mostra da marcha que tiñamos!














































































martes, 2 de novembro de 2021

Festa do Correlingua

 Ola!!

 Esta semana imos celebrar a festa do Correlingua. Tendes aquí información relativa a ela:

 A data da celebración do Correlingua da Estrada será o vindeiro mércores 3 de novembro no Teatro Principal da Estrada, en sesión de 12:00 a 13:00 horas. 

- A actuación Musical recaerá a cargo do grupo “Música Miúda” e o acto será presentado e guiado por Fran Rei, “cómico”. .

-Será retransmitido en directo para que todos os rapaces e rapazas poidan participar dende as aulas dos seus centros educativos.

Para participar picade no enlace que vos aparece aquí:

https://youtu.be/bHZC-FOBtjo


Que desfrutedes da festa!!


xoves, 28 de outubro de 2021

POSTAIS DO SAMAÍN

Estes días estamos celebrando o Samaín. Comezamos coa exposición de cabazas, as carreiras, a actuación de Paco Nogueiras e, como non, o venres desfrutaremos no padal co magosto. En realidade, xa a pasada semana nos adicamos a preparar as postales coas que felicitamos aos nosos amigos e amigas cos que o faciamos habitualmente por estas datas coas postais físicas. Como non podemos, por mor do covid, enviámolas mediante este vídeo, pero non por iso son menos importantes. Estades no noso pensamento e esta é só unha maneira de dicírvolo.

Van especialmente adicadas á Escola Infantil Municipal, ao Centro Sociocultural, ao Ceip Pérez Viondi e ao IES Antón Losada Diéguez.

 Moitas grazas por colaborar con nós.


 Hoxe veunos visitar o cantante e músico Paco Nogueiras. Xa sabedes que foi o premio co que nos agasallou Correligua por gañar o concurso de vídeo. Respectamos en todo momento a distancia de seguridade que marca o protocolo Covid.

Déixovos aquí unhas fotos para compartir con vós estes momentos tan divertidos que vivimos hoxe no cole. Pasámolo fenomenal! 












domingo, 24 de outubro de 2021

SAMAÍN

 Estes días imos celebrar o Magosto e o Samaín con diversas actividades: exposición de cabazas, degustación de castañas, carreiras, a actuación de Paco Nogueiras.. Pero sabedes cal é a razón de ser desta festividade? Se a resposta é negativa, aquí tendes a explicación. Ah, e por certo,.. PASÁDEO MOI PERO QUE MOI BEN!

Hai aproximadamente 2.600 anos chegaron a Galicia os pobos Celtas. Ademais dos seus adiantos científicos e técnicos, como foi a metalurxia do ferro, tamén trouxeron a súa cultura e as súas crenzas. Os celtas eran politeístas, adoraban a moitos deuses: Dagda (deusa da bondade), Nuada (guerra), Bríxida (lume), Ogma (forza e literatura) Donn (morte), Lugh (sabiduría), As Morrigan (das batallas)…. De aí que as súas festas coincidan con determinadas datas relacionadas coas estacións e cos seus cambios:

 • 1 Febreiro en honra a de idade Imbole.

 • 1 Maio en honra a de idade Beltain.

 • 1 Agosto en honra a de idade Lungh.

 • 1 Novembro en honra a de idade Samaín.

O igual que outros pobos bárbaros, os Celtas consideraban as cabezas dos seus inimigos máis que como un botín de guerra coma un dos misterios do ser humano. Crían que "aquel que posuíse unha caveira posuiría a forza máxica da súa pantasma". Cando as colocaban en lugares estratéxicos non só lle concedían valores defensivos senón que tamén lles crían capaces de sucesos prodixiosos dende cánticos celestiais, arrepiantes berros e sobre todo profecías verdadeiras.

 A festa do Samaín, festa laica que representa a fin do verán, das colleitas e o inicio do verán, era a festa máis importante dos 1 celtas e marcaba os inicios do ano novo celta representaba a festa dos mortos. Esta era a data máis perigosa do seu calendario posto que o mundo dos mortos, o Outromundo, facíase accesible para os mortais, podendo pasar a formar parte del por culpa dun feitizo ou meigallo. Cando chegaban as celebracións do Samaín (o chegaren as longas noites escuras) tense por certo que os celtas colocaban unha velas rudimentarias no interior das caveiras dos inimigos mortos, colocándoas nos cruces de camiños, nos arredores e nas muradas dos seus castros, co obxecto de arrepiaren os inimigos, para asombro e veneración das súas xentes e para esconxurar os perigos da celebración. Moitos anos despois o cristianismo escolleu estas datas para celebraren o día de defuntos e tódolos santos. 

UN FENÓMENO CULTURAL INTERNACIONAL

 Foron moitos os pobos que ó longo da historia atoparon nas cabezas do inimigos un elemento máxico de adoración e veneración; é sen dúbida a festa de Hallowen, que se celebra o día 1 de Novembro que ven do mundo británico con raíces celtas e o fenómeno cultural máis vencellado á nosa festa do Samaín.. Non se trata pois de comparar o Samaín coma unha copia do Hallowen, nin viceversa. As dúas celebracións son vestixios similares que arrancan de raíces culturais que noutro tempo coincidían no pobo galego e no británico.



domingo, 17 de outubro de 2021

CONCURSO DE RELATO ORAL


Un  ano máis estamos convidados a participar no X Concurso de Relato Oral Tíralle da Lingua, da AS-PG, dirixido ao alumnado e profesorado dos centros de ensino. A data límite de inscrición é o venres, 19 de novembro. Para ver toda a información relativa a el,  picade aquí:

                                   Bases Concurso Relato Oral




Animádevos a participar!

 

FESTA FINAL DO CORRELINGUA

 Este curso, ao igual có anterior, por mor do covid non puidemos asistir á festa do Correlingua como faciamos tódolos cursos alá polo mes de maio aproximadamente. Por iso, o día 3 de novembro teremos a oportunidade de participar nela mediante a súa retransmisión por streaming dende o Teatro Principal. O importante é desfrutar da celebración, aínda que sexa dende o colexio! 



E lembrade inmunizarvos co noso idioma!