ACTIVIDADE LETRAS GALEGAS 6ºB EP

 Con motivo desta celebración desta data tan especial, os alumnos de 6ºB fixeron este vídeo dun poema del que se titula Muiñada. Mirade que bonito:

CORRELINGUA 2022

 O pasado xoves asistimos ao Correlingua. Despois de dous anos celebrándoo no colexio, por fin puidemos celebrar a festa da lingua e reivindicar o noso idioma polas rúas da Estrada. Desfrutamos moito bailando ao son dunha banda de rock e coa presentación de Isabel Risco. Velaquí tendes as fotos do evento.

Aquí vedes algunhas das pancartas que fixemos:

E aquí aprézanse os dorsais realizados para a ocasión: 

                                Ata o vindeiro ano, Correlingua!

BIOGRAFÍA DE FLORENCIO DELGADO GURRIARÁN

 

Florencio Manuel Delgado Gurriarán naceu en Córgomo de Valdeorras o día 27 de agosto de 1903. Era o menor de cinco irmáns. Viviu en Córgomo ata os seis anos en que marcha a Ourense e ós dez a Palencia. Nesta última cidade estudou o bacharelato e a carreira de Dereito en Valladolid.

No ano 1928 volveu vivir a Córgomo, comezando a traballar como pasante no bufete do avogado Segudo Trincado. Da personalidade de Florencio, do seu compromiso coa súa terra, fala o feito de que se integrase plenamente cando regresou á súa aldea, e iso que levaba case toda a vida fóra. É un aspecto que salienta Ricardo Gurriarán no seu libro Florencio Delgado Gurriarán (Ediciós do Castro, Sada, 1999). Florencio participaba en tódalas actividades que se organizaban na aldea (de moitas delas era el o organizador). Gustáballe a música e posuía unha voz que destacaba en tódalas festas e esmorgas que facían os mozos de Córgomo, e iso que este lugar sempre gozou dunha merecida fama de bos cantantes.

O compromiso e apego á súa terra levouno a vincularse ás Irmandades da Fala, ó Partido Galeguista e ó Partido Nacionalista Republicano de Ourense. Coa Guerra Civil tivo que exiliarse en México en 1939, tras pasar antes por Portugal e Francia.

En México dirixe as revistas "Saudade" e "Vieiros"(1959).

Volveu a Galicia en 1968, 1976 e en 1981(para ser pregoeiro das festas do Cristo, tomar posesión como Membro de Mérito do IEV). Estas visitas nunca foron definitivas xa que sempre terminaba regresando a México.

O día 14 de maio de 1987, cando tiña 84 anos, morría en California. As súas cinzas foron trasladadas ó seu Córgomo natal.

ACTIVIDADES PARA AS LETRAS GALEGAS DO SEMINARIO GALÁN

   Aquí tendes unha morea de actividades para ir quentando motores de cara as Letras Galegas. Hai para tódolos niveis. Tamén tendes información do autor, Florencio Delgado Gurriarán.

Picade neste enlace: Día das Letras Galegas

                                                     

                                                               

NOVO LIBRO DE XOSÉ LUNA

 Fai uns días que o noso amigo Xosé Luna presentaba o seu novo libro: Ond`o sol facheaba ô amañecer.

Trata da vida e obra da Cantora da Ulla, Avelina Valladares Núñez, e onde o autor, no limiar nos di que recibamos os versos desta autora non polo moito que valen senón polo moito que significaron e significan.

 Seguro que tamén valen moito. Commprobádeo por vós mesmos/as!

                    

Estudo sobre a figura da coñecida como Cantora da Ulla, Avelina Valladares Núñez, que se presenta nun libro en tapa dura no que se recollen aspectos da vida e obra da poeta. Unha literata digna de toda clase de eloxios e, por suposto, merecente de ser coñecida e recoñecida como unha das mulleres que participou no rexurdir das nosas letras.

A primeira parte do libro deriva da investigación directa sobre documentación de arquivos e da análise de varios artigos que sobre a vida da poeta foron publicados en distinto xornais. En canto á segunda parte, corresponde á edición da obra da escritora, con tres cadernos que levan por título "Avelina Valladares y sus poesías. Vilancosta 1902", e que inclúen poemas en galego, poemas en castelán e textos en castelán. Os tres conteñen a obra da escritora e diversos artigos sobre a vida e morte da poeta.

Así mesmo, inclúense artigos sobre a figura de Avelina Valladares e documentación persoal, mesmo unha pequena galería fotográfica do fogar dos Valladares, o Casal de Vilancosta.

                             
                               

GAÑADORES E GAÑADORAS DA IX EDICIÓN DO CONCURSO DE MICRORRELATOS E MICROPOEMAS

A estas alturas do curso xa coñecemos os nomes dos gañadores e gañadoras do concurso de microrrelatos e micropoemas. Eles e elas van asistir á Festa das Palabras, no teatro Principal, para recibir unha copia do libro que contén todos os traballos gañadores da man de Rosalía Morlán, a madriña deste ano.  Noraboa a todos/as!!

Poemas: 

A1: A chuvia. Rubén Collazo Mesego. 2º.

A2: Ignacio Eiras Alonso. 4º.

A3: Sara Sanín Gómez. 6º.

Relatos:

A1: Martina Magariños Freire. 2º.

A2: Clara Otero Ferreiro. 3º

A3: Alma Díaz Martínez. 5º.

ILUSTRACIÓN DO POEMA DE ROSALÍA

 Ademais da actuación de Manoele de Felisa, este ano, como vén sendo habitualmente, ilustramos un poema de Rosalía de Castro, neste caso, de Cantares Gallegos: