De festa en festa

                               

      

 

Pois si, imos de festa en festa! No Figueiroa Letras Fest, ademais de  desfrutar da actuación de Manoele de Felisa, tivemos ocasión de felicitar aos gañadores e gañadoras do concurso de microrrelatos e micropoemas que organiza Dinamizaestrada, que agrupa a tódolos centros educativos da Estrada. Fixemos unha entrega de diplomas para eles e tamén para os/as  finalistas:

E o 27 de maio chegou o gran día:

a FESTA DAS PALABRAS!

Ás oito da tarde dou comezou a celebración da Festa das Palabras no Teatro Principal. Unha morea de nenos e nenas agardaban o momento máxico de subir ao escenario para recoller o seu agasallo: o libro no que se recollen os poemas e relatos gañadores do concurso literario que une a toda a comunidade educativa da Estrada.

Este ano a presentación do acto correu a cargo dunha alumna e un alumno do IES Avelina Valladares. 
O padriño foi Xosé Lueiro, polo seu importante papel como dinamizador da cultura e da lingua galega  e a actuación musical correu a cargo de Gloria Pavía.

BEGOÑA CAAMAÑO

 

Begoña Caamaño Rascado é a persoa homenaxeada este ano polas Letras Galegas. A súa vida e a súa obra literaria xiraron en torno ao feminismo, do que foi unha entusiasta activista. No colexio temos libros para achegarnos ao coñecemento da súa traxectoria e aquí tendes actividades que nos levarán a coñecela mellor e a entender o porqué desta merecida lembranza o 17 de maio.

Picade nestes enlaces para acceder á información:

Vida e obra

Actividades do Seminario Galán por cursos

Podedes ver estes  vídeos relacionados coa homenaxeada:

FELICES LETRAS GALEGAS 2026!

 ÍMONOS EMBEGOÑAR NÓS TAMÉN!

DÍA DAS ARTES GALEGAS

  

Se picades no enlace poderedes acceder a recursos para celebrar o Día das Artes Galegas, que se celebrará o 1 de abril e estará dedicado ao fotógrafo José Suárez.

 

https://www.calameo.com/read/0067047665acc6a0958cd

https://view.genially.com/69948e9bd578c37bc1b845e7

Os recursos impresos están á vosa disposición na conserxería do colexio.

Gañadores e gañadoras do Concurso de Dinamizaestrada

 Un ano máis, e xa estamos na XIII edición, o colectivo Dinamizaestrada, no que están tódolos centros educativos da Estrada, puxo a andar este concurso literario para dar a coñecer a canteira de xóvenes escritores e escritoras que temos na nosa contorna.

O pasado 3 de marzo o xurado, composto polos coordinadores dos Equipos de Dinamización da Lingua Galega, reuniuse no Ceip Pérez Viondi e  elixiu as obras gañadoras en cada modalidade e categoría.

No noso colexio, os poemas elexidos corresponden á autoría de Mara Rodríguez Rodríguez, Iago Porto Arís e Vera Payno Abalo. 

Os relatos gañadores son de Icía Cabaleiro Arca, Lara Calvelo Monteagudo e Julia Agra Martínez.

Todas estas obras estarán recollidos nun libro que se presentará o día da celebración da Festa das Palabras, que terá lugar no Teatro Principal no mes de maio. Xa iredes tendo cumprida información de todo o relativo a este evento tan importante no ámbito cultural estradense.

Noraboa a tod@s!

Rosalía de Castro vista por 1ºC

 Os nenos e nenas da aula de 1ºC homenaxearon a Rosalía de Castro a través do seu poema máis emblemático: Adiós ríos, adiós fontes. Neste vídeo podedes ver o proceso da súa elaboración. Escribiron, debuxaron, recitaron... Quedoulles precioso! Tamén participaron na elaboración do Caldo de Gloria botando no pote os seus ingredientes favoritos. Certamente, sabía de marabilla, pois a lingua galega sempre deixa bo sabor de boca!

ANO DE OTERO PEDRAYO

 

2026 será o Ano Otero Pedrayo. O Parlamento de Galicia aprobou unha declaración institucional pola que dedicará o ano 2026 á figura do escritor, ensaísta, xeógrafo, político e profesor ourensán con motivo do seu 50º cabodano e do centenario da publicación da Guía de Galicia, unha das súas grandes obras.

Hai material fotocopiable na conserxería.

Picade neste enlace para acceder ao genially: https://view.genially.com/698257366182924ebbeefe1f

 Día de Rosalía no Teatro Principal

Onte asistimos á celebración do aniversario do nacemento da nosa escritora máis universal que se celebrou no Teatro Principal. Os poemas escollidos polo noso colexio foron Adiós ríos, adiós fontes e Miña casiña, meu lar, que recitaron nenos e nenas de 4º de EP.

Tódolos colexios da Estrada participamos nesta homenaxe chea de poesía e sentimento. Tamén puidemos ver en primicia o vídeo que, coma tódolos anos, elaboran dende o Concello con motivo desta efeméride. Desta vez os protagonistas foron os alumnos e alumnas das escolas infantís da Estrada.

 A poesía de Rosalía ten futuro!

Os alumnos do noso colexio recitando..

E o noso pote co caldo de gloria, que nos deixou moi bo sabor de boca.

Bo proveito literario!