Páxinas

martes, 23 de febreiro de 2021

ACTIVIDADES DÍA DE ROSALÍA


                                                                                                
                                                                                                                                   

O  24 de febreiro chegou e este ano  celebramos o 184 aniversario do nacemento  de Rosalía. Aínda que esta homenaxe tan especial na honra desta escritora universal debe levarse a cabo  tódolos días do ano, para estas datas tendes unha serie de recursos tanto para Educación Infantil coma para Primaria. Picade nos enlaces: 

Genially Rosalía

Genially Rosalía 2

Vídeoclip de Rosalía Lía Pamina e Os Peregrinos - Follas Novas

Draw my life de Rosalía

Vida e obra 

Vídeo de Rosalía Concello A Estrada

Imprimir careta de Rosalía (a cor)

Imprimir careta de Rosalía (en branco e negro)

Crebacabezas de Rosalía (para Infantil)

No noso colexio realizaremos unha presentación cos debuxos que fixestes a semana pasada e a ilustración dun poema, neste caso de Follas Novas e que tendes a continuación. Tamén faremos o "Rosalía Mix", unha serie de gravacións feitas con recitacións de diferentes poemas da autora.

Dende aquí vexo un camiño

   Dende aquí vexo un camiño
    que non sei adonde vai;
    polo mismo que n’o sei,
    quixera o poder andar.
    Istreitiño sarpentea
    antre prados e nabals,
    i anda ó feito, aquí escondido,
    relumbrando máis alá.
    Mais sempre, sempre tentándome
    co seu lindo crarear,
    que eu penso, non sei por que,
    nas vilas que correrá,
    nos carballos que o sombrean,
    nas fontes que o regarán.
    Camiño, camiño branco,
    non sei pra donde vas;
    mais cada vez que te vexo,
    quixera poderte andar.

     Follas novas

Feliz Día de Rosalía!




 


xoves, 11 de febreiro de 2021

Concurso A NOSA ROSALÍA

 O Día de Rosalía estase achegando e van aparecendo propostas para honrar á nosa escritora máis universal. A Deputación de Pontevedra ofrécenos partipar neste concurso de debuxo.  Tendes que empregar as plantillas que figuran abaixo. Animádevos!😉

Cada ano o 24 de febreiro conmemórase o Día de Rosalía, a escritora galega máis representativa da nosa literatura, en permanente actualidade e cuxa obra transcende as fronteiras universais.

Desde a Deputación de Pontevedra, co obxectivo de homenaxeala e achegarlle a súa figura e legado ao público máis novo, poñemos en marcha o concurso creativo de debuxo infantil A Nosa Rosalía.

Esta convocatoria está dirixida a todo o alumnado dos centros de Educación Primaria da provincia de Pontevedra, que poderán participar, de maneira individual, elaborando un debuxo inspirado na personaxe, vida ou obra de Rosalía de Castro.

Para iso dispoñerán dun documento modelo, que se poderá descargar na páxina web da Deputación: www.depo.gal, no que realizarán o debuxo e incluirán os seus datos.

Unha vez finalizado, entregaranllo á súa mestra ou mestre ou á Dirección do centro para que llo remitan escaneado a cor ao correo electrónico: anosarosalia@depo.gal

Categorías nas que poderán participar:

  • Categoría "Campaniñas": 1.º, 2.º e 3.º de Primaria (de 6 a 9 anos)
  • Categoría "Airiños": 4.º, 5.º e 6.º de Primaria (de 9 a 12 anos)

Data límite para o envío dos debuxos: 19 de febreiro de 2021

Cantas máis alumnas e alumnos da aula ou do centro participen, máis posibilidades de recompensa haberá para o grupo, xa que, ademais dun pequeno agasallo didáctico para os debuxos seleccionados e centros participantes, os mellores debuxos de cada categoría, que serán anunciados o día 24 de febreiro, conseguirán como premio especial para o seu colexio unha actividade lúdica e participativa sobre Rosalía con formato de obradoiro a cargo de Polo Correo do Vento. Esta actividade realizarase no propio centro nunha data que se deberá convir coa Dirección deste, dentro do curso e horario escolar.

Os debuxos participantes e o nome do alumnado premiado poderán difundirse a través das canles da Deputación de Pontevedra.

E, para comezar a liberar a imaxinación, aquí vai un belisco dun dos seus Cantares...:

Pasan naquesta vida

cousiñas tan estrañas,

tan raros feitos vense

neste mundo de trampa;

tantos milagres vellos,

tan novas insinanzas,

e tan revoltos allos

con nome de ensaladas,

que non che digo nada...

Pero ¡vaia!