Páxinas

mércores, 22 de febreiro de 2023

DÍA DE ROSALÍA

Xa estamos outra vez celebrando a conmemoración do nacemento da nosa escritora máis internacional. Este ano, cada clase ilustará un verso do poema Cantarte hei, Galicia, de Cantares Gallegos. Tres nenos e nenas do noso colexio irán ao Teatro Principal a recitar este e outro poema máis. A continuación, podedes descargar actividades relativas a esta data tan importante e que están pensandas para alumnado de 4º de EP en adiante. Están elaboradas polo Ceip Luís Seoane en colaboración con outras entidades. Esta é a dirección que tendes que pegar no buscador: http://edugaliza.org/rosalia.

venres, 3 de febreiro de 2023

CELEBRACIÓN DO DÍA DA PAZ

Durante esta semana, e con motivo dunha nova conmemoración do asasinato do líder pacifista Mahatma Gandhi, celebramos o Día da Paz. Pero ademais de falar da súa vida e homenaxear os seus actos, aproveitamos para realizar diferntes actividades relacionadas coa paz e coa idea dun mundo mellor e máis xusto. Aquí tendes algunhas fotos dos papaventos con palabras da paz, o abecedario e as mans dos nenos e nenas como símbolo da unión das persoas.