A semana pasada os alumnos e alumnas de 2º de EP tiveron a sorte de asistir a un roteiro literario guiado por Xosé Luna, mestre e escritor estradense.
O motivo desta fantástica ocasión de compartir un tempo precioso dende o punto de vista literario e persoal foi o de ir vivenciando diversos lugares que aparecen no seu poemario Camiñando camiñando.
Estes lugares forman parte da traxectoria vital de Xosé Luna, que naceu e vive na Estrada.
Reunímonos no parque e unha das primeiras sorpresas foi que o alcalde baixou do concello a ler un poema deste libro.
Despois seguimos o percorrido, pasando pola rúa Bedelle e a súa antiquísima cerdeira ata chegar á Carballeira do Chocolateiro.
En cada parada lemos un poema.
Finalmente, e despois de pasar pola Porta do Sol e de que Xosé nos convidara a churros e case rematadas as recitacións, dispuxémonos a marchar.
