Que tal, amiguiños e amiguiñas!
O PDI do noso colexio xa está en marcha, e dende o EDLG tamén xa puxemos a funcionar a nosa variante, que se denomina A voltas coa lingua. Xa sabedes que non escatimamos forzas no noso afán de provomer e dar relevancia á lingua galega! Por iso, agora que se achegan o Magosto e o Samaín queremos felicitar aos nosos compañeiros colaboradores envíándolles, coma tódolos anos, unhas divertidas postais que fagan alusión a estas festividades que imos celebrar conxuntamente o día vinte e nove deste mes.
Cada clase elaborará, polo menos, unha postal ou as que desexe, para despois facerlles unha foto e enviarllas a outros coles e institucións coas que compartimos a nosa actividade dinamizadora. O tamaño é libre, así como os materiais que empreguedes para facelas. Polo tema do covid, non entregaremos as postais físicas, pero esperamos que algún día non moi lonxano poidamos voltar a facelo.
O importante é seguir realizando actividades que nos impliquen a todos e que espallen os lazos de amizade do noso centro cos outros. Animádevos, que de seguro que van quedar moi ben!
