BASES CONCURSO MICRORRELATOS E MICROPOEMAS

VI Concurso de microrrelatos e micropoemas 

CENTROS EDUCATIVOS DA ESTRADA 

MICROPOEMAS: 

O texto presentado debe ser en galego e constar dun mínimo de dous versos e máximo de oito en Primaria, e un mínimo de catro versos e máximo de oito en Secundaria, Ciclos Formativos e Bacharelato.
 A temática será libre, pero debe aparecer necesariamente o substantivo SERÁN.

MICRORRELATOS:

O texto presentado debe ser en galego e non conter máis de 100 palabras. A temática será libre, pero debe aparecer necesariamente a palabra LENDA.


 CATEGORÍAS A: EDUCACIÓN PRIMARIA A1: 1º e 2º A2: 3º e 4º A3: 5º e 6º B: EDUCACIÓN SECUNDARIA B1: 1º e 2º B2: 3º, 4º, FP Básica e Ciclos Medios C: BACHARELATO E CICLOS SUPERIORES 

BASES PARTICIPACIÓN:

PODEN PARTICIPAR ALUMNOS E ALUMNAS DOS CENTROS EDUCATIVOS DO CONCELLO DA ESTRADA: CEIP PÉREZ VIONDI, CEIP CABADA VÁZQUEZ, CPR PLURILINGÜE NOSA SRA. DE LOURDES, CEIP PLURILINGÜE DE OCA, CEIP DO FOXO, CEIP FIGUEIROA, CEIP VILLAR PARAMÁ, IES Nº 1, IES MANUEL GARCÍA BARROS E IES PLURILINGÜE ANTÓN LOSADA DIÉGUEZ. 
PODERASE PARTICIPAR NUNHA MODALIDADE OU NAS DÚAS, PERO CADA PARTICIPANTE SÓ PODERÁ PRESENTAR UN TEXTO POR MODALIDADE. 

OS TRABALLOS ENTREGARANSE EN FORMATO A4 NUN SOBRE CON NOME, APELIDOS E CURSO. PRAZO O PRAZO LÍMITE PARA ENTREGAR OS TEXTOS SERÁ O 22 DE FEBREIRO DE 2019, NOS CENTROS RESPECTIVOS. 

PREMIOS: UN XURADO, FORMADO POR REPRESENTANTES DOS EQUIPOS DE DINAMIZACIÓN DA LINGUA GALEGA DOS DIFERENTES CENTROS, CONCEDERÁ UN PREMIO POR CATEGORÍA E CENTRO. VALORARASE A CREATIVIDADE, A ORIXINALIDADE E CALIDADE LINGÜÍSTICA E LITERARIA. OS TRABALLOS PREMIADOS PODERÁN SER PUBLICADOS POLA ENTIDADE ORGANIZADORA E PODERÁN PUBLICARSE TAMÉN NAS PÁXINAS WEB DOS CENTROS E NAS REVISTAS ESCOLARES.

FESTA DA POESÍA 2018

Esta semana non paramos. Despois de actuar o martes con Mil Anacos, o venres asistimos á Festa da Poesía. As nosas compañeiras Sara, Zaira e Sabela recitaron dous poemas de Manuel María: A señora vaca e Poemiña para namorar unha rosa. 

Que ben o fixeron! Ata outra edición da Festa da Poesía!

TEATRO OLIMPIO ARCA

O VINDEIRO MARTES, 27 DE DECECEMBRO, ESTADES TODOS E TODAS CONVIDADOS Á III MOSTRA DE TEATRO OLIMPIO ARCA CALDAS!

Será ás 18:30 horas no Teatro Principal e a nosa actuación leva o nome de Mil Anacos. Participan 22 nenos e nenas do noso colexio. Vémonos alí!   


                            

SAMAÍN 2018

Que tal estades? Como vai indo este  curso tan interesante que temos por diante? A primeira celebración importante é a do Samaín. Coma sempre, no noso colexio fixemos postais para desexarlle que pasaran uns días ben divertidos aos nosos amigos do Ceip Pérez Viondi, IES Antón Losada Diéguez, IES García Barros, Escola Infantil Municipal e Centro Sociocomunitario. Nós recibimos tamén postais do Ceip Os Muiños, de Muxía, e do Ceip Pérez Viondi.
A modo de exemplo, aquí tedes a exposición das nosas postais no Losada Diéguez:

E no noso colexio as familias realizaron auténticas obras de arte coas cabazas en relación ao PDI deste ano: AMAROMAR.

BOTADE UN VISTAZO:

Moitas grazas pola vosa participación!

VÍDEO DA FESTA DAS PALABRAS

Podedes velo no seguinte enlace:

V Festa das Palabras

CELEBRACIÓN DA FESTA DAS PALABRAS

Que festa tan especial! Todo o público que asistiu ao acto de entrega de agasallos puido ver que nos colexios e institutos da Estrada hai moi bos escritores e escritoras! Uns e outro foron recollendo o libro e o caravel branco. Plan Siberia amenizou a celebración coa súa música, todo baixo a mirada da madriña: Paula Carballeira. 

Estes son os debuxos de  Maruxa e Ignacio, os dous ilustradores por parte do noso colexio:

Coa palabra Faiado

Coa palabra Mar

E os textos gañadores son estes:

POEMAS.

1º CICLO:

Podo facer

contas de sumar,

contas de restar e

contas de multliplicar

mentres escoito o bruar

das ondas do mar.

Sara Sanín Gómez. 2º.

2º CICLO:

O MAR É PRECIOSO

O mar é bonito

e elegante,

viste de saia

e chaqueta brillante.

O mar é o mellor do mundo´

nel podes atopar

bandeiras sen rumbo!

Noa Otero Calviño. 4º.

3º CICLO:

O MAR

Sentado na area mirando o mar

tanta beleza faime pensar

escuros recordos non quero lembrar

imaxes de xente querendo escapar

dun mundo de fame. Que sorte terán?

Que durdo imaxino ter que emigrar

Sentado na área, non podo olvidar.

Darío Blanco Ruzo. 6º.

RELATOS:

1º CICLO:

O FAIADO DAS FANTASÍAS

No faiado da miña avoa había un baúl cheo de fantasías. Saían unicornios, un zoo, unha selva, tamén tendas, números ata 5555 e montóns de cousas, tamén emocións… Saían alegría, cariño e amor.

Lucía Bugallo García. 2º.

2º CICLO:

O MEU SOÑO CUMPRIDO!

Mamá dixo que había que agardar 9 meses. Que pasará?

Estaba chovendo, eu xogaba no faiado ao que sempre subía a xogar, xogaba a soñar!! Chegaron papá e mamá daquela viaxe tan  longa. Seguro que me trouxeron algo! Mamá xa non estaba gordiña, e a papá caíalle algunha bagoíña. Debaixo daquela mantiña de cores, alí estaba, era pequeniña, suave e coloradiña.

O meu soño cumprido aquel día! Por fin nacera a miña irmanciña Lía.

Noa Otero Calviño. 4º.

3º CICLO:

O FAIADO

Respiro profundo dende o pé da escaleira. O corazón báteme con forza, miro cara arriba, trémenme as pernas.

-A ver, Darío, tráeme as patacas! –Berra miña avoa dende a cociña.

Coma se fose tan sinxelo, só sabe Deus que criaturas vou atopar no faiado. Ao mellor teño sorte e os nervios fan que perda o sentido..

Respiro fondo de novo, como vin nun titorial de ioga en “YouTube”. Teño que faelo, non son tan pequeño, teño que botarlle peito.

Agarrándome á parted vou subindo coma un zombie. Chego arriba, abro a porte e.. Sabedes que había?! Si, patacas.

Darío Blanco Ruzo.6º.

V FESTA DAS PALABRAS

Xa se achega o gran día! O mércores, 23 de maio ás 20:30 horas  vémonos no Teatro Principal para participar nesta celebración tan importante! Que ilusionados están os gañadores e gañadoras por subir ao escenario a recoller o seu agasallo..! E por  escoitar a Paula Carballeira co seu discurso de madriña, e a Plan Siberia coa actuación musical! En fin.. vémonos alí!



Lembrade que  tendes máis información no blog dos Equipos de Dinamización da Lingua Galega da Estrada:

Blog de dinamizaestrada